فلسفة المجتمع السعودي

مجتمعنا السعودي المحافظ الذي يرفض بعض العادات الغير مرغوبه ، ويتكون مجتمعنا الى عدة طبقات في مستوى المادي والفكري والحضاري والثقافي
يوجد الغني ويوجد المتوسط الدخل ويوجد الفقير
كذلك يوجد المثقفين والجاهلين في مستوى التفكير وايضاً
في التعامل وتبادل الاراء
---
لمن نتكلم عن المشاكل في وسط مجتمعنا سواًء مشاكل اجتماعيه ، أسريه ، ماديه ، نفسيه ،، وغيره ......
للأسف البعض يفتقدون الوعي يفسرون كل شي عكس
مثلاً نتكلم عن المعنفات ..
يزوجون البنت في عمرها المناسب لواحد سيء لا يصرف ولا في دخل مادي له وحياته جحيم والبنت تتبهذل معه وتنجب اولاد ولا تقدر تسوي اي شي لا طلاق او حتى تفاهم ليه ؟ لان الاهل يرفضون رجعت البنت لبيت اهلها والسبب ، خلاص انتي تزوجتي اصبري وعيشي الجحيم وتحملي الاهانات ولا في احد تستند عليه في وقت حاجتها والزوج اما يكون مريض او يتعاطى والضحيه البنت ، طبعاً مجتمعنا في بعضهم متخلف وجاهل وفيلسوف ويرد المجتمع على وضع البنت ويقول :_  كيف تطلع من بيت زوجها واتهامات ماترضي الله ولا ترضي البنت صاروا الناس ينظرون المجتمع وش يقول ورأيهم فينا هل هذا صحيح ؟ تعلمنا ودرسنا من القران والسنه والدين اسهل وابسط من ان المرأه تنهان وتنذل ( رفقاً بالقوارير )
لازم هالفئه من الناس الجاهله يتعدلون من فكرهم وسلوكياتهم ونرفض تفكيرهم
ايضاً نتكلم عن الزواج
انا اعتبر الزواج قسمه ونصيب والواحد يفعل الاسباب
وهالشي بديهي عند الناس الفاهمه ، بعض الناس عندهم الزواج تقديس اذا مازوجوا بناتهم خلاص تتوتر حياتهم ويحسون هالبنت *هم* عليهم ، ياعالم ترى النصيب مكتوب لها وهي في بطن امها ليه التعقيد ليه تحسـسون البنت انه وجودها مشكله يمكن يكون زواجها يسبب لها مشاكل طيب يمكن هي ترفض الزواج خصوصاً اذا كان مبكر والمجتمع اللي حولها يسئل ( هاه يافلانه بنتك ماجاء احد خطبها ) ليه الاسئله الكثيره ؟؟ ليه القيل والقال !! ليه التدخل في خصوصيات الاخرين ؟؟ ليه ندخل في مواقف محرجه !! وليييه ؟ وكثير من الاسئله الاستفهاميه ؟ .. لمن نقول مجتمع محافظ مو بس على مستوى باقي المجتمعات الثانيه لا حتى لازم يكون محافظ بالخصوصيات والقرارات وغيره ،،
كثير من المشاكل اللي يعانيه بعض المجتمع لا من فقر ولا من وضعهم الاجتماعي والاسري والخ ..
عندنا فلسفه في الاسلوب الحوار والنقاش حتى في ( المجتمع الرياضي ) لا يوجد الروح الرياضيه بين المتحاورين يكون الحوار سب وشتم بسبب التعصب الكوروي ولازم رأيه يكون هو الصح بالرغم ان النادي ضعيف في المستوى والاداء بس برضوا يعتبر ناديه افضل الانديه ، حتى ( السوشيل ميديا ) طبعاً هذا كارثه من نوع أخر ، القذف بطريقه همجيه وانتحال شخصيات بمستوى أقوى والتهجم على الغير ،، والكثير من المواضيع والمشاكل الذي يعانيه البعض
( فلسفة مجتمعنا ممزوجه من البثاره المستفزه لان مايرضيهم شي وهم من يرفعون الشخص في القمه او ينزلونه الى اسفل شي بمزاجهم )
من مبدأي أنا طبعاً ،،
( مجتمعي جزء مني وليس مني) ، ( بمعنى جزء مني ، بالمظهر العمومي الشامل والخارجي ، وليس مني بمعنى الخصوصيه ليس مني وتكون في حياتي الشخصيه لنفسي دون تدخل المجتمع بالرأي والمبدأ والمنطق والفكر الذي يخصني )
نحنُ من اعطاء الصلاحيه لفئه من المجتمع بتدخل في خصوصيات حياتنا وفي طموحتنا بنظره واحده يقررون بفكرنا ومبادئنا
 لو نتكلم عن المجتمع بشكل اوسع لا يكفيه الف سطر ..
أخيراً ..
( تعلموا فلسفه واعيه ومثقفه وننظر المشاكل من زوايا اخرى وبنظره متفهمه لا نظلم الاشخاص لكي نرضي المجتمع ، الزمن والحياة تتغير مع مرور الوقت ) أرضي ربك اولاً ثم نفسك ثم المجتمع ،
من سلك طريقاً صحيحاً في حياته لا يتعثر ابداً ) اتمنى وصلت لكم الفكره بطريقه مختصره .
واتمنى من كل شخص هو من يرفع قيمته في المجتمع من اسلوب وشخصيه وكاريزما ومن جميع النواحي ..